|
| |
حميد ذيب محمود - بعض من أشعاره
مثل الحلمْ - حميد ذيب محمود
قابلتها صدفه
قالت : صباح الخير....
كيف الحال !!!
رف القلب رفّه
قلتلها : بحب النعومه كثيرْ
وبحب الجمالْ ...
قالت : كيفكْ !!؟
ما دام بتكتب شعرْ
اكتبلنا موالْ
إوصفْ حبيبك بالهوى وصفه
قلتلها :
شو بدي اوصفْ !!
وقليلْ شو بنقالْ
الوجه مثل البدرْ ...
من بعد ما كان هلالْ
شعركْ ذهبْ
خيوط الشمس شلالْ
عيونْ مثل الحلمْ
تحملْ سهم قتّالْ
إرحمْ صريع الهوى يا ولفي....
التمْ نبعة عسل سيّالْ
يا ريت ارشف من نبع الهوى رشفه
القلب عم يرقص ع رفّة الخلخالْ
يرقص طربْ عينه على الشّفه
يرقص طربْ ع قدّك الميالْ
لو عشت قربك ع مدى الأجيال
بْحسْ عشت من الدّهر نتفه
شو بعد بدّك أحكي !!!
والحكي ما عادْ
لا يْكفّي
ولا يوفّي................
| العودة الى صفحة "فن, تراث وحكايات" |
