|
| |
حميد ذيب محمود - بعض من أشعاره
إلنا شكاره !! - حميد ذيب محمود - 3 أيار 1968
إلنا شكاره مشرّعه للريح ..
قديش كنّا نروح نفلحها
منها الرّبيع وكل زهراته
منها الخريف وكل نسماته
منها الصيف وقطعة العنقود...
وياما علينا بالخير تجود
يطلع عليها القمر
سارح بنجماته .....
غصّيت بالبكوه ع هالأرض الحلال
هيّي الوحيده المال والرّسمال
وِرثة جدودي هيك بيّي قال
صارت سليبه كلها أحراش
صارت غريبه باعها غشّاش
إنحَرمَتْ من الحرّاث والفدّان
بارت صارت كلها بلان
وخسْرِتْ المنكوش والنكّاش
وصغارنا من الجوع بتصيح ...
إلنا شكاره مشرّعة للريح
قديش كنا نروح نفلحها
واليوم صرنا نروحلها بتصريح !!!!!
| العودة الى صفحة "فن, تراث وحكايات" |
