العودة الى صفحة " مواقف ونشاطات" هذه الأناشيد كتبها عضو الجمعية مبدا طنوس سمعانلفرق الملتقى الأول لأطفال سحماتا عام 1998, والتي أذكت في نفوسهم وعبر السنوات اللاحقة الحب لقريتهم, وأرست فيها طيب الإنتماء اليها والعودة الى أحضانها. فرقة "العودة"    --     فرقة "البيادر"    --     فرقة "الزيتونة"    --     فرقة "عين برزا" زجل    --     فرقة "سحماتا الغد" فرقة "العودة"    علهوّارة علهوّارة الهوّارة سحماتا أهلا زوّارا والعودة فرقة يخزي العين أحلى فرقة بزغارا وسحماتا عوّدتينا دايم الدوم تحبّينا نغفى على حكاياتك ونحبّك يا نوّارة عزّك بائي سحماتا الكل بيحلف بحياتا احنا جنودك ملتمين وانت بس الامّارة ويا سحماتا لائينا عتراباتك لمّينا فرحانين ومبسوطين وعنّا نفوس الأهارة تصوير إميل نعوم سمعان العودة الى اعلى الصفحة فرقة "البيادر"    على دلعونا على دلعونا وعلى دلعونا بيدر سحماتا أحسن ما يكونا بيدر سحماتا ما حلى أمحاتو وما حلى النسايم تنعف تبناتو بعدن ببالي جدودي اللي ماتو ويطوّل عمر جدودي الّلي هونا فيك سحماتا غنّو البيادر ومن دون خبارك أنا مش غادر ما منرضى نفلّ وعنّك نغادر بدنا نرجعلك نزرع زيتونا على دلعونا ودلعن سحماني أرضك سحماتا الأول والثاني فرقة بيادر دايما سهراني تغنّي سحماتا وعلى دلعونا العودة الى اعلى الصفحة تصوير إميل نعوم سمعان فرقة "الزيتونة"   يا حلالي يا مالي سحماتا يا عليّة انت الشمس المضويّة زتونك رافع راسو رافع راسو بالعالي سحماتا جليليّة على الرابي الأبيّة منحبك يا سحماتا تطعم فيك الدوالي النسمة فيك عليله بتسأل مين الدخيلي بتسأل أهلا وين راحو أهلك الك طوّالي أهلك ناس بينحبو وما مرّة عنّك كبّو بؤولولك سحماتا زهرة حلوة بالبالي العودة الى اعلى الصفحة تصوير إميل نعوم سمعان فرقة "عين برزا"         زجل لبنان بتتباهى بأرزا وسحماتا بعين برزا أصّو الشجر وفلّو وعلينا بائي غرزا عينك برزا موجودي بتشهد عفعال جدودي ومي الفيكي محبوسي بتنادي أهلي عودي أهلك يا برزا زوّار كبار السن وأحلى زغار ما مننساك يا برزا تنعمّر بالأرض الدار العودة الى اعلى الصفحة تصوير إميل نعوم سمعان فرقة "سحماتا الغد"         زجل ما بين المزح والجد تلائى الطفل بأحلى جد على أرضك سحماتا أسسنا سحماتا الغد عم نزرع فيك الورود ونحميك بوأفة سد لربوعك لا بد نعود والظالمِ نْحطلّو حد كنا مبيرح مبسوطين بالبيوت العمراني نوكل منك صبر وتين ونفرط كوز الرماني كيف ننساك سحماتا بدنا نخلّي مبيرح غد على أرضك سحماتا أسسنا سحماتا الغد تصوير إميل نعوم سمعان العودة الى اعلى الصفحة العودة الى صفحة " مواقف ونشاطات"

® All Rights Reserved, ABNAA' SUHMATA Association   Best experienced using MS Internet Explorer 6.0, Screen is optimised for viewing at 800 x 600